次次post親寵物都係post Keefe, 都有啲悶啦, 今個初二, 不如post @ardis_yeung 嘅 次子 同大家拜年啦!
仲要襯未到初三赤口, 就嗱嗱聲講啲野...
應該大家嘅IG都睇到㗎啦... 好多人post咗自己payme QR code出嚟同大家拜年, 或者順便係碰吓運氣, 睇吓會唔會收到啲利是🧧
好老實講, 經濟唔好, 邊會唔想博下有多啲錢㗎啫, 我認我都有諗過咁做! 但係我問自己, 萬一萬一, 真係大家好錫我, 派利是比我, 我自己個良心過唔過意得去, 啲錢可以用定唔用好...
我見有人話人捐出去, 咁不如我直接啲, 大家如果錫我想比利是我, 不如直接幫我捐比 @puc.hk 好唔好?
如果大家真係好有心, 好擔心我無錢(事實真係)就提提大家啦... 我其實係瑜伽老師, 健身教練, 頌缽療癒師, 空中呼拉圈導師, 嚟搵我上堂, 比我用自己嘅專業賺錢啊～
不勞而鑊叫人比錢我 我自己道德L上身啊... 我做唔到😣雖然我窮...但係都想窮得有骨氣嘅!
好, 另外都要同愛錫我嘅親朋戚友講返聲, 你哋有我電話號碼㗎嘛, 我又會打電話或者text你哋拜年, 洗咩喺IG story scan個QR code嚟派利是比我喎... 我咁講野唔係囂, 唔係串, 唔係曳啊 (好驚比長輩鬧)
最後最後 都要同大家拜年嘅
初二 我祝大家 好人一生平安
食得飲得牛年大吉 福氣滿滿
📷 @terrylkf
Search